Wie gesagt, ich bin gut zuhause gelandet!!!

DANKE Hias, fuer die nette Aufnahme bei dir zuhause, die nette Gesellschaft am Abend, die Couch, das Duschgel, den Löskaffee und vor allem das ich nicht in der U-Bahn hab pennen muessen.

Die Weiterfahrt nach Ybbs ist ruhig verlaufen, wo ich von Silke inkl. HANNA empfangen wurde. Das Projekt "Wohnzimmer NEU" ist erfolgreich abgeschlossen und ich hab mich gut aklimatisiert zuhause.

Ein letztes mal wollt ich mich hier mal offiziell verabschieden. Ab und zu wird hier sicher was gepostet. "Regelmässig" erst wieder wenns auf Reisen geht. Wie gesagt der Sommer naht, vorher aber der Frühling, lasset die Outdoor und Grill Saison beginnen für all die es noch nicht getan haben und wünsche euch eine gute Zeit.

ALOHA aufs Leben, euer

Daniel.

PS: DANKE nochmal an alle die ihr mitgemacht habt. DANKE, und bis zum nächsten mal.
PSS: FOTOS SIND BALD ONLINE!!!!!!!

OK, soweit so gut.

bin gut in amsterdam zwischengelandet. mei flieger von da nach wien hat jetzt schon 40 minuten verspaetung.

des mit schluessel hinterlegen und so des loss ma liaba, weil i echt kan bock mehr hob zum zugfohren.

i werd den hias afoch belagern in wien ansonsten schlof i in da ubahn oder wos was i :)

am FR moch i mi daun baldigst auf di socken.

i sog nu a letztes moi CIAO von meiner reise, hod mi gfreid und bis zum naechsten moi

euer danel

PS: SORRY, oba den rest kriagst daham verzoeht ok :)

muss kurz machen

bin in lissabon - zurueck kommen sollt ich also sollte der flug nach plan verlaufen - quartiere hier sind alle voll - werd mein nachtlager im flughafen aufschlagen - komfortabel auf den fliesen

wetter schlaegt um (es wird windig im lande) - oiso zelten is ka guade idee - ausserdem kaun i de soche so beenden wie is aungfaungen hob :)

freu mi auf daheim - gibt viel zu tun - sorry das so kurz is oba auf der tastatur is de echt a krampf

guade nocht, daniel

ps: selly - am SO wuerd a zug um 23:40 noch ybbs fohrn - daun waer i so gegen 01:24 in ybbs - do sats ihr im schoenheitschlof und i a - i penn am flughofen - wahrscheinich wird des amoi mei zuhause :) - so wie da tom hanks in paris schardegol (oda so aehnlich) - komm am FR nach sobald mi der tog aufweckt.

so meine lieben,

hab die letzten schoenen SONNIGEN stunden noch ein wenig genossen. wollt ma a nettes resteraunt suchen so in der hafen gegend oba najo do wors daun geruchstechnisch echt a wengal unter aller wuerde und auf fisch hob i daun kan bock mehr ghobt und so bin i in da city irgendwie i sog ned zufaellig (weil zufaelle gibts kane wie ma jo olle wissen) in a echt nette snackbar einistolpert.

echt total nett. und preislich afoch a wahnsinn. hob de waumpen voi ghaud mei wossafloschen gschnappt und buch und hob mi auf die klippen gsetzt. bis die sonne hinter de berg verschwunden is. leider is do an der suedkueste ned so klass mit de SUNSETS am meer weil die sonne eben ned am meer untergeht oder zumindest ma des von da stadt aus ned siacht wos untergeht. anyways.

meine bueda hob i gestan scho gmocht wo i in sagres wor. i man des wor afoch da perfekte plotz fuer so nostalgische romantische fotos und so. nur de baustelle vom leuchtturm de muas irgendwie ausblenden.

so far so well. wie gehts jetzt weiter. die nacht verbring ich jetzt wieder mal in einer jugendherberge. echt sauber und darf mir mit einem a 4 bett zimmer teilen. fruehstueck is a dabei und des olles fuer 11 euro, des kaun wos. do wors telefonieren teurer :)

ok, daun gehts morgen mit dem zug richtung lissabon, wenns wetter passt moch i nu a wengal programm oder a ned. vielleicht leg i mi afoch in park und les. mmmmhhhmm zimlich zache entscheidungen die i do treffen muas oiso wirklich :)

i hob ma nu amoi in ruhe des ois durchglesen, de beitraege und so. unglaublich wie schnell schon wieder antworten auf den letzten bericht von grade eben drauf waren. i moecht ned wissen MUM wie oft du ins internet schaust und auf a lebenszeichen hoffst. wahnsinn, bewundernswert.

find i klass das i so am laufenden bin wos sie duat. und genauso freuts mich das de julie endlich den rosa wisch hod, das eich olle guad geht und vor allem das die sonnigen VIBES aus portugal angekommen sind. i hob eich heid nu amoi a partie umigschickt, oiso mochts euch kane sorgen, da sommer is scho unterwegs zu uns ham.

in lagos hod sie soweit nix veraendert. da dieter (ihr wissts scho - mit dem rad um die iberische halbinsel usw.) haengt nu immer im knast fest. hob heute a bild von aussen gmocht, schaut echt org aus. und de 2 deutschen neben mir im zelt hob i in sagres gestan nu amoi troffen, de verweilen a nu a bisl do weils echt a klanes paradies is so zum uerberwintern.

gut, generell is ma aufgfoin das sehr viele deutsche do san. viele surfer und bohemians (is eh so zimlich des gleiche) strawanzen durch die gegend. ueberall heast as reden ueber swells, tubes und tides und irgendwie najo is des gaunz lustig so.

wenn oiso amoi ana mit dem gedanken spielt so kurzurlaub und sonne und billig und so, daun kaun i eich nur dieses schoen land empfehlen und ANS HERZ LEGEN. es is super, und vor allem haelt sich des mit den haufenweisen touristen um diese jahreszeit in grenzen. das land ist klein und ueberschaubar, die leute sind nett auch wenns mit englisch echt nix am hut haben ausser die in den herbergen - de san leiwaund. de sprechen sogar urwienerisch :)

najo so lustig find is daun a ned, oiso nimm i den letzten smily wieder zruck. i wue eich nimmer laenger belaestigen. i meld mi morgen nu amoi aus lissabon und schau ob dort nu ois nach rechten dingen zugeht. bis dahin verabschied i mi amoi und wuensch euch nu a schoene zeit. sats ned traurig, boid is a wieda daham und daun gibts wieda diashow. keine drohung ok.

in diesem sinne, euer d live und direkt aus lagos / suedportugal

huihuihui LAUNG IS HER.

wo fang i an, mein gott i wuerd euch gern soviel erzaehlen :)

draussen bruetet die sonne runter, i hab grad ca. 30 mails + viele eurer netten beitraege lesen duerfen und wenns ma ned boese seits komm i spaeter nu amoi her und schreib nu was aber der tag is einfach so a wengal ALOHA maessig und deswegen muas i afoch raus. verdammt.

vielleicht nu kurz. es wor unglaublich. SAGRES, so a glanes dorf hod guad passt zumindest wars a guter abgang.

angefangen hats scheisse. tschuldigung aber es war einfach ned so optimal. angefangen hats am tag nach dem surfen. mich hats a paar mal schiach einewutzelt in de brecher und meine ohren hom ma des a wengal hamzoiht. ohrentzuendung und solche boesen sachen.

dann bin ich nu verkuehlt gwesen weil der neoanzug undicht war es nur gregnet hat beim surfen selber, der volle wind war (dafuer OFFSHORE, alos gute fuer die wellen das sie diese schoenen tubes od. hoehlen machen). anyways, ich bin dann im zelt gelegen 2 tage, wetter war gottseidank mies, und zum bemitleiden war keiner da.

NA GUT, dann is besser worden. die laestigen beschwerden ham sich gelegt, relativ schnell, die dosis machts (verdammt schon wieder schleichwerbung) und heute war ich wieder voll am dampfer.

hab gestern einen deutschen surfer und seine portugisische freundin kennengelernt. des wor a witzig. de hom mi total inspiriert. i sitz so do. horch musik. schau auf die brandung. lass mir die sonne auf den buckel knallen. halt das uebliche. dann kommen die vorbei und sammeln muell am strand ein. bist depat, des hod ma glei daugt weils mir irgendwie an die inselstory (die insider wissen vonwas ich rede) in kanada erinnert hat. naja ich habs dann denen gleich getan. PRAIA DA MARETA, blitz und blank sauber. coole sache. und dann sin ma so ins gespraech gekommen weils mich einfach fasziniert hat das sie das machen und nicht einfach druebe steigen wie alle anderen.

nun gut. dann warn ma gestan was trinken in so ner bar. des war ganz witzig und dann erzaehlen mir die was von yoga, chi gong und kost nix kurz in lagos und noch dazu heute. also, ich ins auto zu denen. de hom mi vom campingpplatz abgeholt. sein auto - a klassiker. aus amerika importiert. automatik. chevrolet. endless summer bickerl und bob marley.

ich also gratis taxi back in die zivilisation. chi gong kurs voll durchgezogen. coole sache. so richtig smooth moven und figuren und so. i voll den spass ghobt. jezt sitz i do, freu mi das ihr so fleissig gschrieben hobts und muas jetzt echt aussi und mi bei eich entschuldigen das i mi so lange ned gemeldet hab.

wie gesagt mum, des mit de haie hod gaunz guad passt. de gibts do ned weil des so kalt is do. es gibt nur viele quallen. de san echt klitschig oba gaunz nett. leider werdens mit der flut immer an land gespuehlt. i wollt nu welche retten ober i kaun ned ueberall sein.

wissts wos, i kum nochher wieder und erzaehl euch noch a wengal was von meinem tag und was noch so kommt. mal schaun, ansonsten gibts morgen wieder was. die zeit is ja bald um. am donnerstag gehts heim. st. patricks day is a gute sache, aber ich bin leider erst so gegen halb 10 am ABEND in wien. kevin, loss mi ned im stich oida i brauch wos zum pennen am donnerstag :). hias sonst muast du herhoiden ok.

sonst penn i am flughafen, do bin i eh schon geuebt. do meld i mi nu bei dir wies ausschaut. VERDAAAAAAAAMT,mi ziagst echt aussiiiiiiiiiiieeee.

baba und mochts es guad, geniessts es leben wwwwwwwhhhhaaaaaaaaaa

danel

DANIEL IM KNAST !!!!!

zuerst amal der reihe nach. also, die busfahrt war ganz ok. schoene gegend, immer de kueste entlang, steil abfallende kuesten wechseln sich mit langen sandstraenden ab - echt sehenswert.

aus albufeira, bin ich ja GEFLOHEN. wie gesagt, ein reines touristen auffanglager, schrecklich. hier in lagos blueht das leben schwoer ichs. zwar auch immer wieder viele touris (bin ja immerhin auch einer) aber auch einiges an jungen leuten unterwegs.

surfshops ueberall, bars, das meer daneben wo die wellen hereinbrechen und sich vereinzelt ein paar surfer versuchen. leider brechen die dinger viel zu nahe am strand und man kann nur fuer kurze zeit die wellen reiten.

ABER, i mi glei erkundigt und morgen gehts in richtung westkkueste. irgendwo an einen strand wo de wellen passen. hab mir ein brett, neoanzug und an surflehrer also einen insider/local gechartert. des gaunze paket is so billig das a frechheit is und dawei is die gruppe 1 leute gross. ausserdem bleib i glei daun in der gegend, weil i dorten eh hin muas. oiso ALL INCLUSIVE. wahrscheinlich gibts 2 stunden unterricht und danach surfen OPEN END. man erwartet eine gute tide und offshore wind. was heisst es wird windig aber gut hohe dinger geben :)

SO, und nun zum knast. jugendherberge gebs zwar auch aber ich hab den oertlichen campingplatz vorgezogen. nach meiner letzten nacht im zelt moecht ich das gleich wieder machen. mittlerweile hab ich auch mein gaskocher wieder funktionstuechtig gemacht und koch ma selber, nix mehr essen gehn usw. geld sparen und mehr surfstunden nehmen.

also, ich trix auf am campingplatz. alles a wengal favelas maessig. so wie in rio in den slums oder vielleicht ned ganz so wild. stellts eich afoch a mischung zwischen resthof und garstner gefaengnis vor. oder a uebertrieben. stellts eich afoch an platz vor sich sozusagen alles trifft was im normalen leben keinen platz mehr hat (zb an campingplatz am karslplatz oder schottentor)

mein nachbar zb. ist seit mitte oktober mit dem fahrrad von hamburg kommend durch europa unterwegs und will erst wieder daheim sein wenn sommer ist. der typ radelt bitte in der woche 1000km, jetzt haengt er in lagos rum, weil er so LANCE ARMSTRONG (radlguru der tour de france) maessig unterwegs ist und sonst zu schnell ist. da der campingplatz in lagos jeden einen rabatt gibt der laenger als 10 tage bleibt hat er sich gedacht haengt er dorten ein wenig rum. jawohl im knast - naja wems gefaellt. ich bin morgen raus :)

zu der anderen seite. also die nachbarn zu meiner rechten, haben ihr haus in england verkauft und touren seit 2 jahren so tingel tangel maessig durch die welt. im wohnmobil um die welt sozusagen. naja und mitten drin ich, umgeben von einer mauer mit stachdraht und am boden der alles andere als gruen ist. egal, luxus gibts hier keinen dafuer schoene straende, wo i jetzt hingeh, mit meim kocher, mir wos koch (eh klor), mir den sonnenuntergang anschau und mich freu auf morgen wos endlich aufs wasser geht :) !!!!

in diesem sinnen - surfs up und aloha aus portugal

euer danel

DANKE fuer eure beitraege, ihr sats a wahnsinn!!! hoff ich komm bald wieder zum tippseln, aber ab jetzt gehts dann glaub ich wirklich in die einschicht. wobei internet gibts hier fast ueberall :). dem neuem medium sei dank. seit gegruesst.

so meine lieben, do bin i oiso !!!

an der kueste - juhuuuuuuu. der zug hat mich ca. 3 stunden gen sueden geschoben in ein kleines fischerdorf an der kueste. so stands zumindest in meinem "reisefuehrer". naja, ich komm an und denk mir yes .......

.... so des richtige klischee dorf. high noon stimmung - a alter herr mit bart sitzt auf einem schaukelstuhl - der ticketverkaeufer langweilt sich zu tode - a snackbar mit pintas und tacos - a hund auf da strossen - die sonne bruetet oba (sorry!!!) - ois in oin - MUCHO MAS TRANQUILO hob i ma docht.

es wor so de richtige szene das glei irgendwos passiert. und daun wor a scho do. a so a herr, mit schwarzer tasche, schwarzen mantel, kurzen haarschnitt, so ukrainemaessiger typ und ob des nu ned genug ist, bei der offenhitz hod der a nu handschuach au. sollte in da naechsten zeit do da praesident oda irgendana um die ecken kuma, kaun i dem CIA a poor bueda verchecken. hob naemli elegant aus da hueften den herrn fotografiert :)

sollte irgendwos passieren mit mir, i hob die chips im saund vergroben - des X markiert die stelle. afoch immer in straund entlaung daun werds es scho finden.

auf olle faelle gehts weiter. der bus bringt uns vom bahnhof in richtung zentrum. und daun wors a scho vorbei. de ersten 4, 5 sternhotels blitzen ma in de augen, mc donalds schilder pflastern de strassen und sogar a LIEDL is um die ecken. nix mehr mucho mas tranquili chili - mucho mas fado wors jetzt hob i ma docht.

touristenbuero wor geschlossen und a jugendherberge kostet in dem kaff doppelt soviel wie in lissabon !!!. oiso i glei kombiniert und ma docht, wieso schlepp i eigentli des zelt durch die gegend. kurz an da nosen krotzt so wie des da wicki a imma mocht und scho hob i die idee ghobt. ZELTEN IN ABUFEIRA, mit blick aufs meer und zu den klaengen des atlantiks in den schlaf taumeln. yes,

i bin ma vorkommen wie waun i neban leopoldibrunnen zelten darat oder im garten vom schloss schoenbrunn. jeder geht an dem strand spazieren (naturschutzgebiet usw.) und i mitten drin statt nur dabei. aber des wor jo des lustige. i lieg oiso dorten und gfrei mi wie a schneekoenig das i endlich mei zelt in warsten sinne des wortes in sand gsetzt hob :)

so, jetzt hoid mi oba do nix mehr. hob a bisl de heisa fotografiert und jetzt bin i wieda dahin. de wellen san do nix zum surfen. zu unbestaendig und klein, zu windig generell und ueberhaupt darat in nu mehr ausreden finden ned ins wossa zu gehn weils afoch ned sommer is muas ma afoch sogn.

weiter gehts jetzt nach lagos wo ich heute und morgen sein werde dann gehts weiter nach sagres (DANKE HELGA fuern geheimtipp) und dann a bisl in norden rauf wo daun so de einsame gegend is (hoff ich zumindest)

soweit mal dazu, freut mich das immer noch so brav vorbeischauts, schreibts halt nix unanstaendiges, hedda des mitn franzoesich is ka problem solaungsd haende und fuesse host is des ka thema (mir gehts do herueben ned aunders, spanisch oder englisch kennt do kana!!) hias los ma de steyrer in ruah ok, kevin vue glueck beim studieren und meina klan nichte sogts bitte wauns allane geh kau ohne das sa si wo auhoidn muas daun nimm is mit und zag ihr die kuesten do. deaf eh bei mir im zoet schlofen. zum saundspuen gabats a einiges (jo hias du kriagst dein saund).

alle liebe gruesse nach oesterreich, drueck euch alle und wuensch euch nu viel spass, schauts wieda moi vorbei und schreibts ma wos eina, a wauns nur kurz is.

adios, del toro

hab ma dacht i schreib euch kurz weil nu a wengal zeit is, bis da zug dahin ist.

DANKE wieder mal fuer die netten eintraege, damit i imma a wengal am laufendem bin wos sie so durt.

die daenen hob i gestan nimma troffen. eigentli wors a wengal a zache partie waun i ehrlich bin. genau wie i mi dem ocenarium auf ca. 200 meter naehere erspaehten meine adlersaugen an reisebus gefolgt von weiteren 4!!!!!

FUI hob i ma docht des waern doch wohl hoffentlich leere busse sein die jetzt den gaunzen haufen leit aus der bude ausebringen und somit des gaunze aereal a wengal entlasten in punkto menschenansammlung usw.

do hob i mi leida deischt. i mitten drin. altersdurchschnitt 85 und des a nur weil 2 busse schueler bzw. kindergorten worn. so, i mitten drin - SUPA klass hob i ma docht. wor oba ned so schlimm weil bis de eana klumbat beinaunda ghobt hom wor i scho bei de rochen und haie unterwegs und hob ma de pinguin fuetterung live geben.

oba, kane daenen. vielleicht stecken de irgendwo in den kneuel voller leit. i weiss es ned. nocher wor nu kurze relax phase im park, a wengal in da sonne liegen - leben geniesse - des uebliche hoid.

danach kinoprogramm bzw. schaun wies heute weitergeht. tja, jetzt bin i do und in ca 2 stunden geht mei zug noch lagos oder albufeira. i nimm ma afoch de zeit und schau ma ois aun, deswegen fohr i a heite und ned morgen, obwohls ma do echt gfoin darat. hob nu laung ned ois gseng oba mi ziagts afoch in sueden - nutzt nix :)

ansonsten gibts ned vue neiches, moi schaun wies jetzt weitergeht, bin scho gspaunt. i glaub do kuman nu gaunz klasse sochen. vue spass nu und sonnige gruesse aus portugal ins verschneite oesterreich. geniessts nu den winter is eh nimma laung. gehts skifohrn, snowboarden (INSIDER!!!), schneeschuhwandern, langlaufen, spazieren - mochts irgendwos und hobts spass und geniessts es leben.

in diesem sinne, bis boid und hasta luego

da D.

ZUERST 1. TEIL LESEN :)

ok, oiso i mi amoi schlau gmocht bei der dame am schalter. de schwaermt ma wos vor von wegen algavre, sonne, strand und mehr. DIE STADT DER SONNE - geh schleich di hob i ma glei docht, do muast hin.

der plan is folgender.

morgen abfahrt um ca. halb 12 mit dem zug richtung TUNES. von dort weiter nach LAGOS. dort erster stopp. evtl. 1 ganzer tag, zwecks schoen stadt anschauen mit schoenem strand und rauen felsformationen (auf des steh i mas naemli!!!)

dann weiter nach SAGRES = suedlichster punkt des festlandes. azoren und madeira die gegend is a aundere geschichte.

dort (SAGRES, algavre usw) hod ma de wos dazoeht vonwegen insidertipp usw. i glei grosse augen kriagt. dort gibts angeblich a klanes dorf wo jeder a surfbrett in da garage liegen hod - und des ned ohne grund. evtl. werd i ma dorten a brettl chartern a kayak ausborgen und uebern atlantik fohrn (so wie da ruediger www.ruedigernehberg.de mei oids vorbild) NA SCHERZAL.

vielleicht moch i an kurs im kitsurfen oder leg mi afoch in saund. irgendwos find i ma immer. vor allem kummt jetzt mei zelt zum einsatz. es geht naemlich nu weiter noerdlich nach Zambujeira de mar. dort steppt daun da baer hods ma gsogt. de milde luft vom atlantik weht da um die ohren. naturparadies, einsame gegend, wellen - und i wollt ihr scho sogen sie soll des ticket glei auf heute umbuchen.

OBA, i hob mas beste nu fuern schluss aufghoben do, und des is des groesste "aquarium" europas. wo i naemli jetzt glei hingeh.

jawohl, so richtig mit haie und rochen und so viecha. de schau i ma jetzt aun. dort sollt i daun die daenen treffen de heute a anderes programm hatten ois i. wahrscheinli gehn ma daun nu a eis essen oda an gruenen tee trinken damits im mogen wieda a wengal eiraenkt.

in diesem sinne, i hob nu a mission, i meld mi wieda sobald es geht.

schauts wieda vorbei, und MUM moch da kane sorgen, do herueben gibts kane baeren :)

passts auf eich auf, aus dem sonnigen porutgal bei angenehmen 16 grad - tendenz steigend.

adios, gruesse ALOHA aufs leben

daniel

aloha,

zunaechst amal a dickes lob an alle die da so fleissig posten. des freut mi naemli schon das do leit a wos einaschreiben. i wue jetzt gor kane naumen nennen oba wirklich a coole sache das de seiten so an positiven anklang findet. DANKE.

oba i wue do ned immasulzen in da gegend i knuepf afoch amoi dorten au wo i den flughofen verlossen hob. des wor naemli a lustige sache.

do bin i daun naemli amoi ghatscht, mit gepaeck (vieles!!) und an schlechten fruehstueck im mogen. a gaunze stund oda mehr zur jugendherberge. natuerli kan anruf gmocht dorten weil jo jetzte nebensaison is und eh nur pensionisten unterwegs san und de nix jugendherberge usw. DENKSDE - ois voll und i mi scho imaginaer am flughofen schlofen seng. wor eh ned schlecht, hob i ma glei eingredet, daun oba glei an mei kreuzweg denkt :)

hob a ausweich adresse kriagt (dort hob i daun aungrufen) und daun is scho dahin gaungen. in da jugendherberge (die mi obgewiesn hod) hob i a daenische truppe troffen mit de i de letzten beiden toge in lissabon des hardcore touristen programm durchzogn hob - und des hod wirkli spass gmocht!!!!!!!!!

de metro bringt die uebrall hin, die preise san ok fuer die eintritte usw. und anstellen brauchst die a ned fuer de gaunzen sochen.

oiso wir ziang los. die DAENEN und i :) - so viel eis hob i mei lebdog nu nie gessn, bis ma dazoeht hom, dass in europa die daenen den meisten eiskonsum pro kopf hom. bist du depat, gottseidaunk is wirkli worm do und ausserdem gibts fuer an daenen a amoi a schmerzgrenze.

i kauns jetzt nur an jeden empfehlen sich die city do amoi zu geben. es gibt vieles zu sehen, de leit san so nett und alane auf dem EXPO gelaende von 98 is soviel los dasd hoibats durchdrahst. des anzige problem is wirkli, dass portugisisch und spanisch echt gemeinsam nix am huad hom und englisch is rar.

vasco da gama center, water gardens, museen, gondelbahn, extreme sports park, bars, cafes bis zum abwinken, schloesser und burgen in da city das da digitalkamera chip glueht, torre de belem und ueberall des seemann abenteurische flair und daun a nu des meehr obend drauf - afoch genial.

alles in allem hob is bis jetzt nu ned bereut das i de toge do verbrocht. heite hob i mi erkundigt wies im sueden ausschaut. do hods a offen hitze, kane leit und an de straende kane touristen und nur wenig surfer. des wor mei startsignal. i glei des zugticket noch lagos kauft und morgen gehts dahin.amoi soviel dazu.

weiteres im 2.teil